რუმინეთის მთავრობა დათმობაზე წავიდა
მასობრივი საპროტესტო აქციების ფონზე რუმინეთის მთავრობა იძულებული გახდა სკანდალური გადაწყვეტილება გაეუქმებინა.
პრემიერ სორინ გრინდიანუმ ოფიციალურად განაცხადა, რომ დღეს საკითხი მინისტრთა საბჭოს სხდომაზე ხალხის ნების შესაბამისად გადაწყდება.
ნთავრობის ინიციატივა ეკონომიკურ დანაშაულში ბრალდებულთა პატიმრობიდან გათავისუფლებას ითვალისწინებდა. ამნისტია იმ პირებზე უნდა გავრცელებულიყო, რომლებსაც ქვეყნისთვის 47 ათას დოლარზე მეტი ზარალი არ ჰქონდა მიყენებული.
მთავრობის მიერ ექსტრემალურად მიღებულ გადაწყვეტილებას ბუქარესტში მრავალათასიანი საპროტესტო აქციები მოჰყვა.
