პარლამენტი ყველაფერს გააკეთებს, რომ საქართველო სტრასბურგის სასამართლში წარდგენილი იყოს, - განაცხადა პარლამენტის თავმჯდომარე ირაკლი კობახიძემ. მისი თქმით, მოსამართლეობის კანდიდატების შერჩევასთან დაკავშირებით, კონსულტაციები გაგრძელდება.
„პარლამენტს ამ სფეროში თავისი ფუნქციები აქვს და ყველაფერს გავაკეთებთ იმისთვის, რომ სტრასბურგის სასამართლოში მოსამართლე სათანადო პროცესის საფუძველზე ავირჩიოთ და ამას პარლამენტი ყურადღებას დაუთმობს. პარლამენტი თავისი უფლებამოსილების ფარგლებში ყველაფერს გააკეთებს, რომ შესაბამისი შედეგი დაიდოს“, - განაცხადა კობახიძემ. 
საქართველოს, სტრასბურგის ადამიანის უფლებათა ევროპულ სასამართლოში კანდიდატურის შესარჩევად, ხელახალი კონკურსის გამოცხადება მოუწევს. ერთი წლის წინ შერჩეული სამი კანდიდატიდან ერთ-ერთი ევროპის საბჭოს მოსამართლეების არჩევის კომიტეტს გასულ კვირას უნდა დაემტკიცებინა, თუმცა საკმარისი ხმები ვერც ერთმა მათგანმა ვერ მიიღო.