იმხელა ძალაა მიშაში, რომ მისი ჩრდილისაც კი ეშინიათ ზოგიერთებს ამ ქვეყანაზე, - განაცხადა თბილისის სპორტის სასახლეში ,,ნაციონალური მოძრაობის” ყრილობაზე სიტყვით გამოსვლისას სანდრა რულოვსმა.

,,თქვენ აძლიერებთ პარტიას, თქვენ აძლიერებთ მიშას, ასევე მიშა გაძლიერებთ თქვენ. იმხელა ძალაა მიშაში, რომ მისი ჩრდილისაც კი ეშინიათ ზოგიერთებს ამ ქვეყანაზე. მისი თითოეული აშენებული შენობის, ხიდის, ქალაქის ეშინიათ. როგორც არ უნდა სცადონ, რომ მიშა შეასუსტონ, უკუშედეგს მიიღებენ. თქვენ იცით, რომ მიშა ყველაზე მობილიზებულია, როცა წინააღმდეგობა ხვდება. რაც არ უნდა გაუკეთონ მიშას, თუნდაც მოქალაქეობა წაართვან, ის მაინც ქართველად რჩება იმიტომ, რომ საქართველოსთვის მისი გული ცემს. რაც არ უნდა ქონება წაართვან, დარწმუნებული ვარ, ყველგან, თქვენს ოჯახებში ჩვენი ოჯახისთვის იქნება პატარა, მყუდრო ადგილი, ყველი და პური და სითბო', მიმარტა სანდრა რულოვსმა ყრილობის მონაწილეებს.

ყრილობაზე რეგისტრაცია 6870-მა დელეგატმა გაიარა. ისინი პოლიტსაბჭოს წევრებს და თავმჯდომარეებს აირჩევენ. ყრილობაზე არ აირჩევენ პარტიის თავმჯდომარეს. ენმ-ის წევრების თქმით, ეს პოსტი ვაკანტური დარჩება იქამდე, სანამ მიხეილ სააკაშვილი პოლიტდევნილია. ასევე, არ აირჩევენ ახალ გენერალურ მდივანს და ამ თანამდებობას ვანო მერაბიშვილი შეინარჩუნებს.