,,ნაციონალური მოძრაობის“ ერთ-ერთი ლიდერი გიგი უგულავა აცხადებს, რომ ნიკა მელიასთან პოლემიკაში შესვლას არ აპირებს.

მისივე შეფასებით ენმ დღეს არის კრიზისში და მოვლენები უნდა განვითარდეს ცივილურ ფორმებში.

,, მე გიგა ბოკერიას არ წარმოვადგენ, წარმოვადგენ ”ერთიან ნაციონალურ მოძრაობას”. ნიკა მელია ოდესღაც მე წარმომადგენდა. ნიკა მელიას მე გავუხსენი ამ პარტიაში გზა და სამწუხაროა, მისი ქცევები. მე მასთან არც პოლემიკაში ვაპირებ შესვლას და არც დაპირისპირებაში. პარტია არის კრიზისში. თუ გვეყოფა პასუხისმგებლობა, რომ პარტიამ ეს კრიზისი გაიაროს, გაივლის, თუ ვერა და დარჩენილია ძალიან ცოტა რესურსი, შეიძლება ვთქვათ 2-5% და შესაძლოა, ეს ყოველდღიურად მცირდებოდეს. მიმდინარე მოვლენები უნდა განვითარდეს ცივილურ ფორმებში, რადგან ამ ქვეყანას იმაზე დიდი პრობლემები აქვს, ვიდრე დაპირისპირებაა ”ნაციონალურ მოძრაობაში”, - განაცხადა გიგი უგულავამ. 

მან ასევე დაადასტურა, რომ კომუნიკაცია ჰქონდა მიხეილ სააკაშვილთანაც. 

”მიშასთან მქონდა საუბარი, თუმცა ძნელია მობილურით კომუნიკაცია. საუბარი იყო მოკითხვით, ადამიანურ დონეზე. შეხვედრის სურვილი არსებობს, თუმცა ჯერ-ჯერობით ეს ვერ ხერხდება, რადგან მე ვერ ვტოვებ ქვეყანას, ხოლო მიშა ვერ ჩამოდის საქართველოში. რაც შეეხება მის პოზიციას პარტიის დაშლასთან დაკავშირებით, ეს თავად მან უნდა დააფიქსიროს, მე ვერაფერს გეტყვით”, - აღნიშნა უგულავამ. 

ფრაქცია ,,ნაციონალური მოძრაობის” წევრებს შორის სიტყვიერი შელაპარაკება მოხდა. ფრაქციის სამუშაო ოთახში ერთმანეთს ნიკა მელია, სერგო რატიანი და აკაკი ბობოხიძე დაუპირისპირდნენ. თანაპარტიელები ერთმანეთს პარტიის დაშლაში ადანაშაულებენ.