თბილისის მერმა დავით ნარმანიამ 15 ახალი ავტობუსის პრეზენტაცია გამართა. როგორც დავით ნარმანიამ მედიასთან საუბარში განაცხადა, ახალი ავტობუსები 1-ელი იანვრიდან იმოძრავებენ. 

„ჩამოვიდა ახალი ავტობუსების მორიგი პარტია, რომელიც 1-ელი იანვრიდან ივლის 51 მარშრუტზე. მანამდე დამონტაჟდება გადახდის სისტემა, ტაბლო და ავტობუსები იქნება აღჭურვილი თავიდან ბოლომდე იმისთვის, რომ კომფორტულად მოვემსახუროთ ჩვენს თანამოქალაქეებს. ეს არის შემდგომი პარტია, რომელიც იანვარში უნდა მიგვეღო, თუმცა მომწოდებელმა კომპანიამ ჩვენი თხოვნა გაითვალისწინა და დააჩქარა მოწოდების პროცესი. ასევე, შედარებით ადრე იქნება მიღებული მომდევნო ავტობუსებიც. კომპანია ითვალისწინებს ჩვენს ბაზაზე არსებულ მდგომარეობას და დროულად გვაწყვდის ავტობუსებს“, - აღნიშნა დავით ნარმანიამ.