უკრაინამ კასპიის ზღვაში იარაღითა და ტექნიკით დატვირთულ ორ რუსულ გემს დაარტყა

უკრაინის სპეციალური ოპერაციების ძალების დანაყოფი, ამბოხებულთა მოძრაობა „შავი ნაპერწკლის“ წევრებთან თანამშრომლობით, ჩაატარა სპეცოპერაცია, რომლის შედეგადაც განადგურდა იარაღისა და სამხედრო აღჭურვილობის გადამზიდი ორი რუსული გემი. ინფორმაციას უკრაინის სპეციალური ოპერაციების ძალების პრესსამსახური ავრცელებს

აღნიშნულია, რომ უკრაინის სპეციალური ოპერაციების ძალებს ამბოხებულთა მოძრაობის წარმომადგენლებმა გემების მარშრუტისა და ტვირთის შესახებ დეტალური ინფორმაცია მოგვაწოდეს.

კასპიის ზღვაში, ყალმუხეთის რესპუბლიკის სანაპიროსთან დაზიანდა გემები „კომპოზიტორი რახმანინოვი“ და „ასკარ-სარიძა“, რომლებსაც რუსეთი სამხედრო მიზნებისთვის იყენებს.

გემები აშშ-ის სანქციების ქვეშაა ირანსა და რუსეთს შორის სამხედრო მარაგების მიწოდებაში მონაწილეობის გამო. სპეცოპერაციის ჩატარების დრო არ სახელდება.