ლიეტუვა მზადაა უკრაინაში ჯარები გაგზავნოს - გიტანას ნაუსედა

ლიეტუვის პრეზიდენტი გიტანას ნაუსედა მზად არის, ცეცხლის შეწყვეტის შემდეგ უკრაინაში ჯარები გაგზავნოს პოტენციური სამშვიდობო მისიის ფარგლებში. ნაუსედამ ამის შესახებ Bloomberg-თან ინტერვიუში განაცხადა.

ნაუსედამ განაცხადა, რომ ლიეტუვა "მზადაა საჭირო დახმარება გაუწიოს [უკრაინას]".

„ჩვენ ვსაუბრობთ ჩვენი ჯარისკაცების ძალიან კონკრეტულ რაოდენობაზე, მაგრამ კოალიციის ყველა ქვეყნიდან უნდა იყოს ვალდებულება უზრუნველყოს ეს მხარდაჭერა“, - თქვა მან.

ლიეტუვის ლიდერმა შეაქო აშშ-ის პრეზიდენტი დონალდ ტრამპი მისი „მკაფიო განზრახვისთვის“ დაასრულოს რუსეთის ომი უკრაინაში.

„ჯერჯერობით, რუსეთი მოლაპარაკებების სიმულაციას ახდენს, საუბრობს შესაძლო მშვიდობაზე და ცეცხლის შეწყვეტაზე, მაგრამ ისინი მზად არ არიან დაიცვან ცეცხლის შეწყვეტის რეჟიმი, როგორც დაჰპირდნენ - არ შეუტიონ, არ დაარტყან კრიტიკულ ინფრასტრუქტურას“, - განაცხადა ნაუსედამ.