რუსეთის ჯარმა კიევამდე უნდა მიაღწიოს, ველოდებით ოდესის დაბრუნებასაც, ის რუსული ქალაქია - დმიტრი მედვედევი

რუსეთის უშიშროების საბჭოს თავმჯდომარის მოადგილემ დმიტრი მედვედევმა თქვა, რომ "სპეციალური სამხედრო ოპეარციის“ მიზნების მისაღწევად, რუსეთის ჯარებმა კვლავ უნდა მიაღწიონ კიევამდე - "თუ ახლა არა, მაშინ გარკვეული დროის შემდეგ. ამის შესახებ მედვედევმა რუსულ მედიასთან ინტერვიუში განაცხადა. 

"სად გავჩერდეთ? არ ვიცი. ვფიქრობ, ჩემი ნათქვამის გათვალისწინებით, ჯერ კიდევ ბევრი და სერიოზული სამუშაო გვაქვს. იქნება ეს კიევი? დიახ, ალბათ, კიევი უნდა იყოს. თუ ახლა არა, მაშინ გარკვეული დროის შემდეგ - იმ დროს, შესაძლოა ამ კონფლიქტის განვითარების სხვა ფაზაში“, - თქვა მედვედევმა.

მედვედევის თქმით, ამას სავარაუდოდ ორი მიზეზი აქვს. პირველი ის არის, რომ კიევი სავარაუდოდ "რუსული ქალაქია" და მეორე ის, რომ ის "საერთაშორისო საფრთხეს უქმნის რუსეთის არსებობას", ვინაიდან კიევს სავარაუდოდ "აკონტროლებს რუსეთის მოწინააღმდეგეთა საერთაშორისო ბრიგადა, რომელსაც ხელმძღვანელობს Ამერიკის შეერთებული შტატები."

”ასე რომ, დიახ, ეს შეიძლება იყოს კიევი”, - თქვა მედვედევმა.

მან ასევე აღნიშნა, რომ ”რუსეთი ელოდება ოდესას”.

"ოდესა, დაბრუნდი სახლში. ჩვენ ველოდებით ოდესას რუსეთის ფედერაციაში. თუნდაც ამ ქალაქის ისტორიიდან გამომდინარე, როგორი ხალხი ცხოვრობს იქ, რა ენაზე საუბრობენ - ის ჩვენი, რუსული ქალაქია“, - თქვა მედვედევმა.