მოვუწოდებ კონგრესს, რაც შეიძლება სწრაფად დაამტკიცოს ეროვნული უსაფრთხოების შესახებ ორპარტიული შეთანხმება, დადეთ იგი ჩემ მაგიდაზე, რათა დაუყოვნებლივ მოვაწერო ხელი - ჯო ბაიდენი

აშშ-ის პრეზიდენტი, ჯო ბაიდენი კონგრესს მოუწოდებს, ეროვნული უსაფრთხოების შესახებ ორპარტიულ შეთანხმებას კენჭი, რაც შეიძლება სწრაფად უყარონ.

„ახლა ჩვენ მივაღწიეთ შეთანხმებას ორპარტიული ეროვნული უსაფრთხოების შეთანხმებაზე, რომელიც მოიცავს ათწლეულების განმავლობაში ყველაზე მკაცრ და სამართლიან სასაზღვრო რეფორმებს. მე მას მტკიცედ ვუჭერ მხარს.ორპარტიული ეროვნული უსაფრთხოების შეთანხმება ასევე ეხება ორ სხვა მნიშვნელოვან პრიორიტეტს.

ეს საშუალებას მისცემს შეერთებულ შტატებს გააგრძელოს ჩვენი სასიცოცხლო მნიშვნელობის სამუშაო პარტნიორებთან მთელ მსოფლიოში, რათა დაიცვას უკრაინის თავისუფლება და მხარი დაუჭიროს მის უნარს დაიცვას თავი რუსული აგრესიისგან.

როგორც უკვე ვთქვი, თუ ჩვენ არ შევაჩერებთ პუტინის მადას ძალაუფლებისა და კონტროლისთვის უკრაინაში, ის გასცდება უკრაინის ფარგლებს და ამერიკისთვის საფასური გაიზრდება.

ეს შეთანხმება ასევე აძლევს ისრაელს იმას, რაც მას სჭირდება თავისი ხალხის ჰამასის ტერორისტებისგან. ის ასევე სასიცოცხლო ჰუმანიტარულ დახმარებას გაუწევს პალესტინელ ხალხს.

მე მოვუწოდებ კონგრესს, შეიკრიბოს და სწრაფად დამტკიცოს ეს ორპარტიული შეთანხმება. დადეთ იგი ჩემს მაგიდაზე, რათა დაუყოვნებლივ მოვაწერო ხელი," - განაცხადა ბაიდენმა.

118 მილიარდი დოლარის მოცულობის პაკეტი აერთიანებს აშშ-ს სასაზღვრო უსაფრთხოების პოლიტიკას, ასევე უკრაინისა და ისრაელის დახმარებას.

კერძოდ, 60,1 მილიარდი დოლარი გათვალისწინებულია უკრაინის დახმარებისთვის და 14 მილიარდ დოლარზე მეტი ისრაელის მხარდასაჭერად.

დოკუმენტი ასევე ითვალისწინებს ჰუმანიტარული დახმარების დაფინანსებას წითელ ზღვაში ოპერაციებისთვის, ასევეტაივანისთვის.

აშშ-ის წარმომადგენელთა პალატის სპიკერმა, მაიკ ჯონსონმა განაცხადა, რომ კონგრესი უკვე მიმდინარე კვირას გეგმავს კენჭი უყაროს ისრაელის დახმარების კანონპროექტს უკრაინის საკითხის გარეშე.