მიჩიგანის უზენაესმა სასამართლომ უარი თქვა საჩივრის განხილვაზე, 2024 წლის საპრეზიდენტო პრაიმერიზის პროცესში დონალდ ტრამპის დისკვალიფიკაციის შესახებ

საქართველო, თბილისი - 13:49 | 28.12.2023

ნანახია: 1752

მიჩიგანის უზენაესმა სასამართლომ უარი თქვა ამომრჩევლების საჩივრის განხილვაზე, 2024 წლის საპრეზიდენტო პრაიმერიზის პროცესში აშშ-ის ყოფილი პრეზიდენტის დონალდ ტრამპის დისკვალიფიკაციის შესახებ. იუწყება BBC.

სასამართლომ უარი თქვეა განეხილა ოთხი ამომრჩევლის მიერ შეტანილი საჩივარი. გასაჩივრებული იყო სასამართლოს წინა გადაწყვეტილება, რომლის მიხედვითაც ტრამპს საპრეზიდენტო პრაიმერიზში მონაწილეობის უფლება რჩებოდა. მოსამართლეების განკარგულებაში ეწერა, რომ ამბოხების საკითხი, რომელზეც ტრამპს ედავებიან, შტატის სასამართლოში არ უნდა იყოს განხილული.

სასამართლოს გადაწყვეტილების თანახმად, ტრამპი შეძლებს 2024 წლის 27 თებერვალს აღნიშნულ შტატში რესპუბლიკური პარტიის საპრეზიდენტო პრაიმერიზში მონაწილეობის მიღებას. მიჩიგანის შტატი 2024 წლის საპრეზიდენტო არჩევნებში ერთ-ერთ გადამწყვეტ შტატად ითვლება.

მანამდე კოლორადოს უზენაესმა სასამართლომ შტატში ტრამპს 2024 წლის საპრეზიდენტო პრაიმერიზში მონაწილეობა აუკრძალა, თუმცა საბოლოო გადაწყვეტილება აშშ-ის უზენაესმა სასამართლომ უნდა მიიღოს, რომელიც საჩივრის განხილვას მალე შეუდგება.