პრაღელი მსროლელი, რომელმაც კარლის უნივერსიტეტში 14 ადამიანი მოკლა, სიკვიდლამდე დაწრილ წერილში კიდევ 32 წლის კაცისა და მისი ორი თვის გოგონას მკვლელობას აღიარებს

დევიდ კოზაკი, რომელმაც 21 დეკემბერს პრაღაში კარლის უნივერსიტეტში 14 ადამიანი მოკლა, სიკვდილამდე დატოვებულ წერილში აღიარებს, რომ მანამდე მოკლა კაცი და მისი ორი თვის ქალიშვილი. ამის შესახებ ჩეხეთის პოლიციამ განაცხადა.

24 წლის დევიდ კოზაკმა უნივერსიტეტში ხოცვა-ჟლეტამდე, იმვაე დღეს მოკლა მამა, შემდეგ კი 14 ადამიანის დახოცვის შემდეგ თავი მოიკლა.

როგორც ირკვევა, 15 დეკემბერს, კოზაკმა პრაღის განაპირას, კლანოვიცის ტყეში, მოკლა 32 წლის კაცი და მისი ორი თვის გოგონა.

პოლიციის განცხადებით, 15 დეკემბრის მკვლელობის გამოძიებისას მათ ოთხი ათასამდე პოტენციური ეჭვმიტანილი ჰყავდათ, მათ შორის იყო კოზაკიც, თუმცა სამწუხაროდ მისი დაკითხვა და დაკავება ვერ მოასწრეს.

პოლიციას ჯერ ოფიციალურად არაფერი უთქვამს კოზაკის მოტივებთან დაკავშირებით. გასულ შაბათს, 23 დეკემბერს ჩეხეთში გლოვის დღე გამოცხადდა კარლის უნივერსიტეტში სროლის შედეგად დაღუპულთა გამო. გარდა ამისა, შინაგან საქმეთა მინისტრმა ვიტ რაკუშანმა მოუწოდა ყველა ქალაქისა და სოფლის მერს გააუქმონ საახალწლო ფოიერვერკი, ხოლო თანამოქალაქეებს მიმართა ახალი წელი ზეიმის გარეშე აღნიშნონ, მსხვერპლთა ხსოვნისა და მათი ნათესავების პატივისცემის ნიშნად.