ჩვენ თუ უკან დავიხევთ, ვის ხელში იქნება ღაზა? ჩვენ ვერ დავტოვებთ ვაკუუმს ღაზაში - ისრაელის პრეზიდენტი

ისრაელის პრეზიდენტმა ისააკ ჰერცოგმა განაცხადა, რომ ისრაელს არ შეუძლია დატოვოს ვაკუუმი ღაზაში და უახლოეს მომავალში მოუწევს ძლიერი ძალების შენარჩუნება, რათა თავიდან აიცილოს “ჰამასის” ხელახალი გაჩენა პალესტინის ანკლავში. 

„ჩვენ თუ უკან დავიხევთ, ვის ხელში იქნება ღაზა? ჩვენ ვერ დავტოვებთ ვაკუუმს. უნდა ვიფიქროთ, როგორი იქნება მექანიზმი. ბევრი იდეაა, არავის სურს ამ ტერიტორიის ღაზის ტერორისტულ ბაზად გადაქცევა“, – განაცხადა ჰერცოგმა.

მისი თქმით, ისრაელის მთავრობა განიხილავს ბევრ იდეას იმის შესახებ, თუ როგორ უნდა იმართოს ღაზის სექტორი ომის დასრულების შემდეგ. მისივე თქმით, ვარაუდობს, რომ აშშ და ისრაელის მეზობელი ქვეყნები იქნებიან  ჩართულნი პოსტკონფლიქტურ ვითარებაში.

ამერიკის პრეზიდენტმა ჯო ბაიდენმა არაერთხელ განაცხადა, რომ ისრაელის მიერ ღაზის სექტორის ოკუპაციის წინააღმდეგია. მისი თქმით, ისრაელის მიერ ღაზის სექტორის ოკუპაცია შეცდომა იქნება და ერთადერთი გზა გრძელვადიანი მშვიდობისკენ არის ორი სახელმწიფოს - ისრაელის და პალესტინის ფორმულა.