აშშ-ს ხმელთაშუა ზღვის აღმოსავლეთით დამრტყმელი ჯგუფი გადაჰყავს

პენტაგონის განცხადებით, აშშ-ის სამხედრო-საზღვაო ძალებს ხმელთაშუა ზღვის აღმოსავლეთით გადაჰყავს ავიამზიდის დამრტყმელი ჯგუფი. პრეზიდენტ ჯო ბაიდენის განცხადებით, კი აშშ-მა ისრაელისთვის დამატებითი დახმარება გამოყო, რომელიც უკვე გზაშია და ისრაელი მალე მიიღებს.

ასევე, როგორც ამერიკის თავდაცვის მდივანმა ლოიდ ოსტინმა აღნიშნა, შეერთებული შტატები ისრაელს მიაწვდის საბრძოლო მასალას და აღჭურვილობას და გააძლიერებს ამერიკულ ძალებს ახლო აღმოსავლეთში, ჰამასის თავდასხმების საპასუხოდ.

„ამერიკის შეერთებული შტატების მთავრობა სწრაფად მიაწვდის ისრაელის თავდაცვის ძალებს დამატებით აღჭურვილობას და რესურსებს, მათ შორის საბრძოლო მასალას“, - ნათქვამია ლოიდ ოსტინის განცხადებაში.

მისივე თქმით, დამრტყმელ ჯგუფში შედის აშშ-ის სამხედრო-საზღვაო ძალების გადამზიდი Gerald R. Ford-ი სარაკეტო კრეისერი „ნორმანდია“. ასევე მართვადი რაკეტები და სამხედრო ხომალდები.

ავიამზიდი Gerald R. Ford-ი იტალიის საზღვაო ძალების ფლოტის შემადგენლობაში იყო, ახლა კი ისრაელის ფლოტის დასახმარებლად გაიგზავნება.

„ჩვენ ასევე გადავდგით ნაბიჯები რეგიონში აშშ-ის სამხედრო-საჰაერო ძალების გამანადგურებლების - F-35, F-15, F-16 და A-10-ის ესკადრილიის გაძლიერებისთვის“, - აღნიშნა ოსტინმა.