გერმანიის საგარეო საქმეთა მინისტრის, ბორის პისტორიუსის განცხადებით, უკრაინის შეიარღებული ძალებისთვის მოიერიშე თვითმფრინავების გადაცემის შესახებ იმსჯელებენ, თუ უკრაინის საჰაერო სივრცე უსაფრთხო იქნება.

„როდესაც უკრაინის ცა სამი-ოთხი თვის განმავლობაში უსაფრთხო იქნება, მხოლოდ მაშინ ვისაუბრებთ მომდევნო ნაბიჯებზე“, - განაცხადა მან გერმანული ტელერახის, ARD-ის ეთერში.

ის, რომ უკრაინისთვის თვითმფრინავების გადაცემის საკითხი ჯერ არ განიხილებოდა, პისტორიუსამდე გერმანიის კანცლერმა ოლაფ შოლცმაც განაცხადა. თუმცა ადრე დასავლელი პოლიტიკოსები არ ასახელებდნენ ვადებს, როდის დაიწყებოდა აღნიშნულ თემაზე სრულფასოვანი მოლაპარაკება.

პოლონეთის თავდაცვის მინისტრმა მარიუშ ბლაშაკმა, რომელიც ბრიუსელში ნატო-ს თავდაცვის მინისტერიალში მონაწილეობდა, განაცხადა, რომ უკრაინისთვის F-16-ის ტიპის თვითმფრინავების გადაცემის თემაზე მსჯელობა მაინც გაიმართა.

 „ეს საკითხი, რომელზეც დღეს საუბარი იყო, უკვე ბევრი თვეა განიხილება, რეალურად უკრაინაში რუსეთის შეჭრის პირველივე დღეებიდან. ვფიქრობ, რომ ისევე როოგორც სხვა საკითხები, იქნება ეს Leopard-ის ტიპის ტანკები თუ Patriot-ის სარაკეტო დანადგარები, ეს თემაც მოითხოვს ზეწოლას მოკავშირეებზე. ჩვენ F-16-ის ტიპის სულ 48 მოერიშე გვაქვს, თუმცა მოკავშირეებს გაცილებით მეტი აქვთ“, - განაცხადა მან.