კალიფორნიაში კიდევ ერთ შეიარაღებულ თავდასხმას 7 ადამიანი ემსხვერპლა

კალიფორნიის შტატში ბოლო სამ დღში კიდევ ერთი შეიარაღებული თავდასხმა მოხდა. წინასწარი ინფორმაციით, ინციდენტი ჩინელი იმიგრანტების თემში მოხდა. მოკლულია შვიდი ადამიანი, კიდევ ერთი დაშავებულის მდგომარეობა მძიმეა. ეჭვმიტანილი პოლიციას ჩაბარდა.

შემთხვევა ქალაქ ჰაფ-მუნ-ბეიში მოხდა.

პოლიციის განცხადებით, თავდამსხმელი 67 წლის ადგილობრივი მცხოვრები ძაო ჩუნილია.

ძაო ჩუნილი პოლიციაში, მასობრივი მკვლელობიდან ორი საათის შემდეგ თავად გამოცხადდა.

პირველი ოთხი მსხვერპლი სოკოს ფერმაში აღმოაჩინეს, კიდევ სამი კი ახლოს მდებარე სატრანსპორტო კომპანიაში.

თავდასხმის მოტივები ამ ეტაპზე უცნობია.

სან-მატეოს ოლქის პოლიციის შერიფის კრისტინა კორპუსის თქმით, ჩჟაომ ადამიანები ბავშვების თვალწინ დახოცა, რომლებიც სკოლიდან ბრუნდებოდნენ.

ყველა მოკლული ჩინელია და ისინი ფერმაში მუშაობდნენ.

სან-მატეოს ოლქის ხელისუფლების წარმომადგენელმა მედიას განუცხადა, რომ მასობრივი მკვლელობა ფერმის უკმაყოფილო თანამშრომელმა ჩაიდინა.

შეგახსენებთ, გასულ შაბათს, კალოფორნიაში ლოს ანჯელესის გარეუბანში, მონტერეის პარკში შეიარაღებულ თავდასხმას 11 ადამიანი ემსხვერპლა, ეჭვმიტანილმა, 71 წლის კაცმა თავი მოიკლა.