გერმანული კონცერნი Rheinmetall-ი აცხადებს, რომ შეუძლია უკრაინას Leopard 1-სა და Leopard 2-ის ტიპის 139 ტანკი გადასცეს

საქართველო, თბილისი - 12:30 | 24.01.2023

ნანახია: 459

გერმანული კონცერნი Rheinmetall-ი აცხადებს, რომ მთავრობის თანხმობის შემთხვევაში, შეუძლია უკრაინას Leopard 1-სა და Leopard 2-ის ტიპის 139 ტანკი გადასცეს.

ამის შესახებ კონცერნის წარმომადგენელმა RND-თან ინტერვიუში განაცხადა.

„ჩვენ ჯერ კიდევ გვაქვს Leopard 2A4-ის მანქანები, რომლებიც შეგვიძლია მოვამზადოთ გამოყენებისთვის და უკრაინაში გავგზავნოთ“, - განაცხადა მან.

მისივე თქმით, ამ მანქანების რემონტს ერთი წელი დასჭირდება. უკრაინისთვის მათი მიწოდება კი 2023 წლის ბოლოსა და 2024 წლის დასწყისში იქნება შესაძლებელი.

ამის გარდა, კონცერნის წარმომადგენლის თქმით, მათ ასევე აქვთ Leopard 2A4-ის ტიპის 29 ტანკი, რომლებიც მზად 2023 წლის აპრილ-მაისისთვის იქნება.

ასევე კონცერნს შეუძლია უკრაინას გადასცეს კიდევ Leopard 1-ის ტიპის 88 ტანკი.

„სიტუაცია ძალიან არასტაბილურია უსაფრთხოების პოლიტიკიდან, პირდაპირი ან ირიბი მიწოდების სხვადასხვა ფორმისა და შეკვეთების ცვალებადი პრიორიტეტებიდან გამომდინარე. ამიტომ რთულია მიწოდების კონკრეტული ვადების დასახელება“, - აღნიშნა კონცერნის წარმომადგენელმა.