აშშ უკრაინისთვის სამხედრო დახმარების მორიგ, 2.5 მილიარდი დოლარის ღირებლების პაკეტს ამზადებს - CNN

აშშ უკრაინისთვის სამხედრო დახმარების მორიგ, 2.5 მილიარდი დოლარის ღირებლების პაკეტს ამზადებს, რომელშიც Stryker-ის ტიპის საბრძოლო მანქანებიც შევა. ამის შესახებ ინფორმაციას CNN-ი ორ ანონიმურ წყაროზე დაყრდნობით ავრცელებს.

მედიის ცნობით, ახალი სამხედრო დახმარება ერთ-ერთი ყველაზე დიდი პაკეტია, რომელსაც უკრაინა რუსეთის სრულმასშტაბიანი შეჭრის შემდეგ მიიღებს. გარდა აღნიშნულისა, პაკეტი შეიცავს Bradley-ს ტიპის საბრძოლო მანქანებს, ნაღმმედეგ ტექნიკას.

დახმარების პაკეტში ვერ მოხვდა შორ რადიუსზე მოქმედი რაკეტები და ტანკები, რომლებსაც უკრაინა უკვე დიდი ხანია, ითხოვს.