დნიპროში რუსეთის მიერ საცხოვრებელი კორპუსის დაბომბვის შედეგად, მსხვერპლთა რაოდენობა 44-მდე გაიზარდა

დნიპროში რუსეთის მიერ სახლოვრებელი კორპუსის დაბომბვის შედეგად ნანგრევებში დაღუპულთა ძებნა გრძელდება. ბოლო მონაცემებით, ოკუპანტების სარაკეტო იერიშის მსხვერპლთა რაოდენობა 44-მდე გაიარდა.

მედიის ინფორმაციით, სამძებრო-სამაშველო ოპერაციისას 39 ადამიანი გადაარჩინეს. კორპუსის დაბომბვის შედეგად სულ 79 ადამიანი დაშავდა.

14 იანვარს, უკრაინაზე მასობრივი თავდასხმის დროს, ერთ-ერთი რუსული რაკეტა დნეპროპეტროვსკში მაღალსართულიან საცხოვრებელ კორპუსს მოხვდა. დარტყმის შედეგად სახლის ერთ-ერთი ნაწილი ჩამოინგრა. მოგვიანებით ცნობილი გახდა, რომ რუსეთის ფედერაციამ მაღალსართულიანი შენობა „ხ-22“-ის ტიპის რაკეტით დაბომბა, რომელიც ჯერ კიდევ საბჭოთა კავშირში დააპროექტეს.