გერმანიის თავდაცვის ახალი მინისტრი ბორის პისტორიუსი იქნება

ქვემო საქსონიის შტატის სოციალ-დემოკრატი შინაგან საქმეთა მინისტრი, ბორის პისტორიუსი გერმანიის თავდაცვის მინისტრის თანამდებობას დაიკავებს. ამის შესახებ ინფორმაციას გერმანულ მედია ავრცელებს.

გერმანული მედია წერს, რომ 62 წლის იურისტ პისტორიუსს სამინისტროს მართვის გამოცდილება აქვს და თავდაჯერებული და ენერგიული ადამიანია.

ბორის პისტორიუსი მემარცხენე-ცენტრისტულ სოციალ-დემოკრატებს 16 წლის ასაკში შეუერთდა, მოგვიანებით მან გაიარა სამხედრო სამსახური 1980-1981 წლებში, მაგრამ არ აქვს სამხედრო სფეროში მუშაობის გამოცდილება.

ბორის პისტორიუსი ქვემო საქსონიის შინაგან საქმეთა მინისტრის პოსტს 9 წელი იკავებდა. 2013 წლის შემდეგ, პისტორიუსი მუშაობა შიდა უსაფრთხოების, კიბერდანაშაულისა და მიგრაციის მიმართულებით.

16 იანვარს კრისტინ ლამბრეხტმა თავდაცვის მინისტრის პოსტი დატოვა. ადგილობრივი მედიის ცნობით, ლამბრეხტის მიერ თანამდებობის დატოვება სოციალურ მედიაში გავრცელებულ საახალწლო მიმართვას უკავშირდება, რომელიც გერმანული პრესის წარმომადგენლებმა მკაცრად გააკრიტიკეს.
.