ომის დაწყების შემდეგ რუსეთმა უკრაინაში 35 000-ზე მეტი ობიექტი გაანადგურა

უკრაინის შინაგან საქმეთა სამინისტროს ცნობით, ომის დაწყებიდან რუსმა ოკუპანტებმა უკრაინის ტერიტორიაზე 35 000-ზე მეტი ობიექტი გაანადგურეს.

ამის შესახებ უკრაინის შინაგან საქმეთა მინისტრის მოადგილემ, ევგენი ენინმა ტელემარათონში ისაუბრა.

მათ შორის რუსეთმა ქვეყნის კრიტიკული ინფრასტრუქტურის 700 ობიექტი დააზიანა.

მისი ცნობით, მხოლოდ ბოლო დღე-ღამის განმავლობაში უკრაინელმა სამართალდამცველებმა 27 დასახლებული პუნქტის მისამართით ცეცხლის გახსნის შესახებ მიიღეს ინფორმაცია.