სერბეთმა და კოსოვომ ჯარები საბრძოლო მზადყოფნაში მოიყვანეს

სერბეთის პრეზიდენტმა ალექსანდრ ვუჩიჩმა ჯარის საბრძოლო მზადყოფნაში მოყვანის ბრძანება გასცა, ანალოგიური გადაწყვეტილება მიიღო კოსოვოს ხელმძღვანელობამაც.

ინფორმაციას სერბული მედია ავრცელებს.

ვუჩიჩმა განაცხადა, რომ აღნიშნული გადაწყვეტილების მიზეზი გახდა კოსოვოს ხელმძღვანელობის მხრიდან ჩრდილოეთ კოსოვოში სერბების ბარიკადებზე თავდასხმისთვის მზადება.

მანამდე ვუჩიჩმა კოსოვო „სერებთის პრობლემის მოგვარების“ მცდელობაში დაადანაშაულა.