უკრიანის წინააღმდეგ ომში ბელარუსის მონაწილეობა ნაკლებსავარაუდოა - ISW

უკრაინის წინააღმდეგ ომში ბელარუსის უშუალო მონაწილეობა ნაკლებსავარაუდოა. ალექსანდრ ლუკაშენკამ რუსეთის პრეზიდენტს ვლადიმირ პუტინს, სავარაუდოდ, ომში მონაწლეობაზე უარი უთხრა.

ამის შესახებ ამერიკის ომის შემსწავლელი ინსტიტუტის (ISW) ანალიტიკოსები აცხადებენ. მათი ინფორმაციით, ორი ქვეყნის პრეზიდენტმა უკრაინაში მიმდინარე ომის შესახებ მსჯელობისგან თავი შეიკავა. ამასთან, მინსკში განაცხადეს, რომ თითქოს „დასავლეთის საფრთხე“ დაინახეს. თავის მხრივ, პუტინმა ბელარუსს შესთავაზა განიხილონ ბელარუსი მფრინავების წვრთნის შესაძლებლობა.

 „ლუკაშენკა იყენებს დასავლეთისგან და ნატო-სგან ბელარუსის საზღვრის დაცვის რიტორიკას, ცდილობს, თავი აარიდოს უკრაინაში რუსეთის შეჭრაში მონაწილეობას“, - ნათქვამია ინფორმაციაში.

ამასთან, ლუკაშენკა აცახდებს, რომ მოსკოვი გადასცემს „ისკანდერის“ ტიპის საჰაერო თავდაცვის კომპლექსებს. რუსეთის პრეზიდენტის თქმით, მხარეებმა ასევე განიხილეს თავდაცვითი სივრცის ფორმირების შესაძლებლობა. ამასთან დაკავშირებით, ანალიტიკოსები მივიდნენ დასკვნამდე, რომ ბელარუსი არ წავიდა უკრაინის წინააღმდეგ ომში ჩართვაზე, რადგან ამ შემთხვევაში მას რიტორიკის შეცვლა მოუწევდა.  

19 დეკემბერს, რუსეთის პრეზიდენტი ვლადიმირ პუტინი ბოლო რამდენიმე წლის განმვალობაში, პირველად, მინსკში, ალექსანდრ ლუკაშენკასთან შესახვედრად ჩავიდა.

ინსტიტუტის ანალიტიკოსები აცხადებენ, რომ სავარაუდოდ, პუტინი ცდილობს შექმნას საინფორმაციო პირობები უკრაინის წინააღმდეგ ომის ახალი ეტაპისთვის.