კრემლი, სავარაუდოდ, მობილიზაციის მეორე ტალღისთვის ემზადება - ISW

ამერიკის ომის შემსწავლელი ინსტიტუტის (ISW) ანალიტიკოსებს მიაჩნიათ, რომ რუსეთის ხელისუფლება უარყოფის მიუხედავად, სავარაუდოდ, მობილიზაციის მეორე ტალღისთვის ემზადება.

ანალიტიკოსები ამბობენ, რომ რუსეთის პრეზიდენტის  ადმინისტრაცის მობილიზაციის მეორე ტალღის უარყოფით, ცდილობს ჩააცხროს რუსულ საზოგადოებაში მზარდი უკმაყოფილება.

ანალიტიკოსები ამბობენ, რომ კრემლი, როგორც ჩანს შორდება ომის შესახებ შეზღუდულ გაშუქებას, რომელიც მან გამოიყენა რუსეთის ფართო საზოგადოების შეშფოთების შესამცირებლად ომის შესახებ, სავარაუდოდ, იმიტომ, რომ საზოგადოება მომავალი მობილიზაციის ტალღებისთვის მოამზადოს.

ანალიტიკოსები დარწმუნებულნი არიან, რომ კრემლი  რისკავს უფრო მეტად დააზიანოს მის მიმართ ნდობა მობილიზაციის მეორე ტალღის გამოცხადებით, რომლის შესახებაც ოფიციალური წყაროები არ საუბრობენ, თუმცა მას არაოფიციალური პირები განიხილავენ.

„პუტინის გადაწყვეტილება გასცეს ბრძანება მობილიზაციის მეორე ტალღის შესახებ ან უკრაინისთვის ომის ოფიციალურად გამოცხადებაც კი ვერ აღმოფხვრის რუსეთის სამხედრო ძალის შიდა შეზღუდვებს, რომლებიც ხელმისაწვდომია უკრაინაში ომისთვის მოკლევადიან პერიოდში. რუსეთის თავდაცვის სამინისტროს მშვიდობიანობის დროს ერთროულად შეუძლია მოამზადოს მხოლოდ 130 ათასამდე წვევამდელი რეკრუტირების ორწლიანი ციკლის განმავლობაში, ამასთან, დიდი სირთულით ცდილობს მოამზადოს მობილიზებულთა დიდი რაოდენობა გაცილებით მოკლე პერიოდში“, - ნათქვამია ინსტიტუტის ინფორმაციაში.