აშშ უკრაინის ენერგოსისტემის დასახმარებლად 53 მილიონ დოლარს გამოყოფს

ელექტროგადამცემი ქსელის აღჭურვილობის შესაძენად აშშ უკრაინას 53 მილიონ დოლარს  გამოუყოფს. იუწყება reuters.

რუსეთი ოქტომბრიდან იტენსიურად ახორციელებს მასშტაბურ თავდასხმებს უკრაინის კრიტიკულ ინფრასტრუქტურაზე.

დარტყმების შედეგად, უკრაინაში მილიონობით ადამიანი გათბობის და ელექტროენერგიის გარეშეა დარჩენილი.

როგორც უკრაინის ხელიუფლების წარმომადგენლები და მსოფლიო ლიდერები აცხადებენ, რუსეთი ზამთარს იყენებს როგორც იარაღს მშვიდობიანი მოსახლეობის წინააღმდეგ.

"ეს აღჭურვილობა სასწრაფოდ გადაეცემა უკრაინას, რათა დაეხმაროს უკრაინელებს ზამთარში გადარჩენისთვის". - ნათქვამია სახელმწიფო დეპარტამენტის განცხადებაში. 

აშშ-ის სახელმწიფო დეპარტამენტის განცხადებით, დახმარების პაკეტში შედის სადისტრიბუციო ტრანსფორმატორები, ამომრთველები, დენის დამჭერები და სხვა.