გთავაზობთ, ევროპარლამენტი იდიოტიზმის სპონსორად ვაღიაროთ - მარია ზახაროვა

რუსეთის საგარეო საქმეთა სამინისტროს ოფიციალური წარმომადგენელი მარია ზახაროვა ევროპარლამენტის გადაწყვეტილებას რუსეთის ტერორიზმის სპონოსრ სახელმწიფოდ აღიარების შესახებ ტელეგრამზე ეხმიანება.

"ევროპარლამენტმა მიიღო რეზოლუცია, რომელიც რუსეთს „ტერორიზმის სპონსორად“ ცნობს. მე გთავაზობთ, ევროპარლამენტი იდიოტიზმის სპონსორად ვაღიაროთ,"- წერს ზახაროვა.

ევროპარლამენტმა რუსეთი ტერორიზმის სპონსორ სახელმწიფოდ გამოაცხადა.

შესაბამის რეზოლუციას მხარი დაუჭირა 494-მა დეპუტატმა, 58-მა წინააღმდეგ მისცა ხმა, 44-მა კი თავი შეიკავა.