ბრიტანეთი უკრაინას მაღალტექნოლოგიური რაკეტა Brimstone-ის მეორე თაობის მოდელებს უგზავნის - The Telegraph

დიდი ბრიტანეთი უკრაინას  ლაზერული დამიზნების სისტემის მქონე მაღალტექნოლოგიური რაკეტა Brimstone-ის მეორე თაობის მოდელებს უგზავნის. ამის შესახებ Daily Telegraph-ი წერს.

რაკეტა  ძირითადად, განკუთვნილია სახმელეთო სამიზნეების, მათ შორის დიდი სიჩქარით მოძრავი სატრანსპორტო საშუალებების გასანადგურებლად.

ჰაერიდან გაშვებული რაკეტა 60 კმ-ს ფარავს, სახმელეთო დანადგარებიდან კი 12 კმ-ს.

ბრიტანეთმა რაკეტა Brimstone-ის პირველი თაობის მოდელები უკრაინას დაახლოებით ნახევარი წლის წინ გაუგზავნა. მას როგორც წესი, ავიაგამანადგურებლებიდან ისვრიან, თუმცა, უკრაინელი სამხედროები გამშვებ პლატფორმად იყენებენ მოდიფიცირებულ სატვირთო მანქანებს.

გამოცემა აღნიშნავს, რომ ერთი რაკეტა Brimstone 2 დაახლოებით 175 ათასი გირვანქა სტერლინგი ღირს.