ოკუპანტებმა ხარკოვის რეგიონის დასახლებული პუნქტები დაბომბეს

რუსმა ოკუპანტებმა, ღამით ხარკოვის რეგიონის დასახლებულ პუნქტებზე სარაკეტო იერიში მიიტანეს. დაიბომბა კუპიანსკის რაიონი.

ინფორმაციას უკრაინის პრეზიდენტის ოფისი ავრცელებს. იუწყება უკრაინული მედია.

აღნიშნულია, რომ ადგილზე მუშაობდნენ საგანგებო სიტუაციების სამსახურის წარმომადგენლები.

„ქალაქის ტიპის დასახლება შევჩენკოვო, კუპიანსკის რაიონი - რუსებმა ისევ დაბომბეს საცხოვრებელი სახლი. ნანაგრევების ქვეშ, შესაძლოა, ადამიანები იყვნენ მოყოლილი“, - ნათქვამია ინფორაციაში.

უკრაინის შეიარაღებული ძალების გენერალური შტაბის ინფორმაციით, რუსმა სამხედროებმა  ქალაქ კუპიანსკის სამოქალაქო ინფრასტრუქტურაზე ორი სარაკეტო შეტევა განახორციელეს.