ოკუპანტებს მხოლოდ სამართლიანი სასჯელი ელით, ჩვენ - გამარჯვება - ზელენსკი

უკრაინის პრეზიდენტი ვოლოდიმირ ზელენსკი რუსეთის მიერ უკრაინის წინააღმდეგ იერიშს ეხმიანება.

 „მთელი ღამისა და დილის განმავლობაში მტერი ტერორს უწობს მშვიდობიან მოსახლეობას. კამიკაძე დრონებითა და რაკეტებით უტევენ მთელ უკრაინას. კიევში რაკეტა საცხოვრებელ სახლს მოხვდა. მტერმა შეიძლება დაბომბოს ჩვენი ქალაქები, მაგრამ ჩვენს გატეხვას ვერ შეძლებს. ოკუპანტებს მხოლოდ სამართლიანი სასჯელი და მომავალი თაობებისგან დაგმობა ელით, ჩვენ - გამარჯვება“, - განაცხადა ზელენსკიმ.

უკრაინული მედიის ცნობით, 17 ოქტომბერს, დილით, კიევში საჰაერო განგაში გამოცხადდა, რომელიც სამ საათს გაგრძელდა.

მოგვიანებით ცნობილი გახდა, რომ რუსმა ოკუპანტებმა კიევზე იერიში კამიკაძე დრონებით მიიტანეს. შევჩენკოს რაიონში დაფიქსირდა 4 აფეთქება.

ინფორმაცია დაღუპულებისა და დაშავებულების შესახებ დგინდება.