პესკოვის თქმით, უკრაინის ანექსირებული რეგიონების საზღვრების დადგენა მოსახლეობის ნებაზეა დამოკიდებული

რუსეთის პრეზიდენტის პრეს-სპიკერმა დმიტრი პესკოვმა განაცხადა, რომ ოკუპირებული ხერსონისა და ზაპოროჟიეს საზღვრები ჯერ კიდევ განსაზღვრული არ არის და ის დამოკიდებული იქნება „მოსახლეობის ნებაზე“.  მისივე თქმით, ამ ტერიტორიებზე ახალი „რეფერნდუმები“ არ გაიმართება.

მისი თქმით, რუსეთი „გააგრძელებს ადგილობეივ მოსახლოებასთან კონსულტაციებს ოკუპირებული ხერსონისა და ზაპოროჟიეს ოლქებთან დაკავშირებით. ამასთან, პესკოვი ამტკიცებს, რომ ამ ტერიტორიებზე არ იგეგმება ფსევდორეფერენდუმების ჩატარება.

30 სექტემბერს დმიტრი პესკოვმა ვერ უპასუხა შეკითხვას, რომელ საზღვრებში 'აღიარებდნენ' ხერსონისა და ზაპოროჟიეს ოლქებს, თუმცა განაცხადა, რომ დონეცკისა და ლუჰანსკის ოლქები 'აღიარებული' იქნება 2014 წლის დროინდელ ფარგლებში.