ინდონეზიაში საფეხბურთო მატჩის დასრულების შემდეგ მომხდარ ჭყლეტას 127 ადამიანი ემსხვერპლა

სულ მცირე 127 ადამიანი დაიღუპა ინდონეზიაში საფეხბურთო მატჩზე მომხდარი ჭყლეტისას. დაახლოებით 180 ადამიანი საავადმყოფოებსშია გადაყვანილი. ინფორმაციას BBC ავრცელებს.

ტრაგედია ქალაქ მალანგაში ადგილობრივ  „არემასა“ და სურაბაის კლუბ „პერსებაიას“ შეხვედრის დროს მოხდა.

მატჩი სტუმრების გამარჯვებით 3:2 დამთავრდა. ფინალური სასტვენის შემდეგ ადგილობრივი კლუბის ათასობით გულშემატკივარი მოედანზე შეიჭრა, სადაც შეტაკებები დაიწყო.

პოლიციამ გამოიყენა ცრემლსადენი გაზი, რასაც ჭყლეტა მოჰყვა. გავრცელებული ინფორმაციით, უმეტესობის სიკვდილის მიზეზი გაგუდვა გახდა.

არეულობები სტადიონის გარეთაც გაგრძელდა. დაიწვა პოლიციის ავტომობილები, დაღუპულთა შორის არიან სამართალდამცველებიც.