პუტინი საფრთხეა ევროპისთვის - იტალიის მომავალი პრემიერი

იტალიის ულტრამემარჯვენე პარტიის ლიდერი ჯორჯია მელონი, რომელიც იტალიის მომავალი პრემიერ-მინისტრია, აცხადებს, რომ რუსეთის მიერ უკრაინის ტერიტორიების ანექსიას არ აქვს არც იურიდიული, არც პოლიტიკური მნიშვნელობა, პუტინი კი ევროპისთვის საფრთხეა.

„რუსეთის ფედერაციასთან უკრაინის ოთხი ოლქის შეერთების შესახებ გამოცხადებას ფიქტიური რეფერნდუმების შემდეგ, რომლებიც ძალადობრივ სამხედრო ოკუპაციის პირობებში ჩატარდა, არ გააჩნია იურიდიული ან პოლიტიკური მნიშვნელობა“, - განაცხადა მელონმა.

მისი სიტყვებით, პუტინი თავისი ქმედებებით კიდევ ერთხელ აჩვენებს საბჭოთა ნეოიმპერიალისტური ხედვის ნიმუშის, რაც საფრთხეს უქმნის მთელს ევროპის კონტინენტს.

„რუსეთის მიერ ხალხებს შორის თანაარსებობის წესების მორიგი  დარღვევა, კიდევ ერთხელ ადასტურებს დასავლეთის დემოკრატიების ერთიანობის აუცილებლობას“, - განაცხადა მელონმა.