ირინა ვერეშჩუკი საქართველოს, პოლონეთსა და ბალტიის ქვეყნებს მიმართავს, დაეხმარონ ყირიმელ თათრებს მობილიზაციისგან თავის არიდებაში

უკრაინის ვიცე-პრემიერმა ირინა ვერეშჩუკმა საქართველოს, პოლონეთსა და ბალტიის ქვეყნებს მოუწოდა დაეხმარონ ყირიმელ თათრებს საზღვრის გადაკვეთაში. ამის შესახებ მან ტელეგრამ-არხზე დაწერა.

 „ყირიმში საოკუპაციო რეჟიმმა დაიწყო უკანონო მობილიზაცია. მათ დაიწყეს ყირიმელი თათრებისა და ყირიმის სხვა მკვიდრი მოსახლეობის მასობრივი მობილიზაცია ოკუპანტების ომში ჩასართავად. აშკარაა, რომ ასეთ ქმედებებს აქვს გენოციდის ნიშნები. ყირიმელი თათრები და უკრაინული ყირიმის სხვა ძირძველი ხალხები მთელი ძალებით ცდილობენ თავი აარიდონ მტრის არმიაში მობილიზაციას“, - აცხადებს ვიცე-პრემიერი.

მისი თქმით, თათრები ცდილობენ წავიდნენ მეგობარ ქვეყნებში, მაგრამ ინტეგრაციის სამინისტრომ მიიღო ცნობები, რომ ბალტიელი, პოლონელი და ქართველი მესაზღვრეები ყირიმის მკვიდრ მოსახლეობას ზოგჯერ უარს ეუბნებიან საზღვრის გადაკვეთაზე და აიძულებენ დაბრუნდნენ ყირიმში ან წავიდნენ რუსეთში.

 „თხოვნით მივმართავტთ პოლონეთის, ლატვიის, ესტონეთის, ლიეტუვისა და საქართველოს ხელისუფლებებს ყურადღება მიაქციონ აღნიშნულ პრობლემებს. ვთხოვთ, მეგობარ ქვეყნებს, დაეხმარონ ყირიმის მკვიდრი ხალხების წარმომადგენლებს გადავიდნენ ყირიმისა და რუსეთის ფედერაციის ტერიტორიებიდან მესამე ქვეყნებში. დღეს, ყირიმის მკვიდრი მოსახლეობის დახმარება საერთაშორისო საზოგადოებისგან საჭიროა, ისე, როგორც არასდროს!“ - განაცხადა ვერეშჩუკმა.