ალა პუგაჩოვამ რუსეთი ისევ დატოვა

რუსმა მომღერალმა ალა პუგაჩოვამ რუსეთი ისევ დატოვა. ინფორმაციას რუსული გამოცემა „იზვესტია“ წყაროზე დაყრდნობით ავრცელებს.

წინასწარი მონაცემებით, ალა პუგაჩოვა შვილებთან ერთად ისრაელში წავიდა, აღნიშნულია, რომ მას უკან დასაბრუნებელი ბილეთი არ აუღია.

პუგაჩოვამ პირველად ქვეყანა 2022 წლის მარტში შვილებთან და ქმართან მაქსიმ გალკინთან ერთად დატოვა, მას შემდეგ რაც რუსეთი თავს დაესხა უკრაინას და თელ-ავივში გაემგზავრა. გალკინმა ომის დაწყებისთანავე დაგმო კრმელის დანაშაულებრივი რეჟიმისა და დიქტატორ ვლადიმირ პუტინის მიერ წამოწყებული სასტიკი ომი უკრაინაში, პუგაჩოვა კი მეუღლეს მხარს უსიტყვოდ უჭერდა.

აგვისტოს ბოლოს პუგაჩოვა რუსეთში დაბრუნდა, გალკინი კი უცხოეთში დარჩა. მაშინ პუგაჩოვამ განაცხადა, რომ მისმა შვილებმა სკოლაში უნდა იარონ და ტქვა, რომ ძლიან სურდა ვინმესთვის თავ-პირი დაემტვრია. სავარაუდოდ, მან რუსი პროპაგანდისტი ვლადიმირ სოლოვიოვი იგულისმა.

მოგვიანებით, მაქსიმ გალკინი რუსეთმა „უცხოელი აგენტების“ სიაში შეიყვანა.