რუსმა ოკუპანტებმა დნიპროპეტროვსკი დაბომბეს, დაიღუპა 11 ადამიანი 13 კი დაიჭრა

რუსმა ოკუპანტებმა დნიპროპეტროვსკის ოლქში, ნიკოპოლის რაიონზე იერიში მიიტანეს, დაიღუპა 11 ადამიანი, 13 კი დაიჭრა. ინფორმაციას უკრაინული მედია დნიპროპეტროვსკის რეგიონული სამხედრო ადმინისტრაციის ხელმძღვანელ, ვალენტინ რეზნიჩენკოზე დაყრდნობით ავრცელებს.

ოკუპანტებმა დარტყმები „გრადის“ ტიპის რაკეტებით განახორციელეს.

„ტრაგიკული ღამე ნიკოპოლის რაიონში, რუსულმა არმიამ 11 ადამიანი მოკლა, დაჭრილია 13 ადამიანი. მტერმა ტერიტორია „გრადებიდან“ ორჯერ დაბომბა. გამიზნულად და მოღალატურად დაარტყა, როცა ხალხს საკუთარ სახლებში ეძინა“, – განაცხადა რეზნიჩენკომ.