ოლენა ზელენსკას თეთრ სახლში უმასპინძლეს

შეერთებული შტატების პრეზიდენტმა და პირველმა ლედით, ჯო და ჯილ ბაიდენებმა თეთრ სახლში უკრაინის პირველ ლედის, ოლენა ზელენსკას უმასპინძლეს.

თეთრი სახლის განცხადებით, ორმხრივი შეხვედრის დროს აშშ-ისა და უკრაინის პირველმა ლედებმა განიხილეს აშშ-ის მუდმივი მხარდაჭერა უკრაინის მთავრობისა და მისი ხალხისადმი, რომლებიც იცავენ თავიანთ დემოკრატიას და უმკლავდებიან რუსეთის ომის მნიშვნელოვან ადამიანურ გავლენას, ასევე ომის დანაშაულებებზე რუსეთის პასუხისგებაში მიცემის გზებს.

"უკრაინის პირველი ლედი ოლენა ზელენსკა განასახიერებს ისეთივე უდრეკობასა და გამძლეობას, როგორსაც ქვეყანა, საიდანაც ის წარმოიშვა. ჩემთვის და ჯილისთვის მისი თეთრ სახლში მიღება პატივი იყო“, - დაწერა ბაიდენმა "ტვიტერში" ზელენსკასთან შეხვედრის შემდეგ.

18 ივლისს, ოლენა ზელენსკა ვაშინგტონში შეხვდა აშშ-ის სახელმწიფო მდივანს, ენტონი ბლინკენს. დღეს, 20 ივლისს უკრაინის პირველი ლედი აშშ-ის კონგრესს მიმართავს.