ეს არის ტერორიზმი, რუსეთი ტერორისტული სახელმწიფოა - დმიტრო კულება ვინიცას დაბომბვაზე

უკრაინის საგარეო საქმეთა მინისტრი დმიტრო კულება ვინიცაზე რუსეთის სარაკეტო თავდასხმას "ტვიტერში" ეხმიანება და აღნიშნავს, რომ რუსეთი ტერორისტული სახელმწიოა, რომელიც კანონიერად უნდა იყოს აღიარებული. 

"უკვე დადასტურდა, რომ 20 მშვიდობიანი მოქალაქე დაიღუპა ვინიცაზე რუსული სარაკეტო დარტყმის შედეგად. სამი ბავშვი... ეს არის ტერორიზმი. მშვიდობიანი მოსახლეობის განზრახ მკვლელობა შიშის გასავრცელებლად. რუსეთი ტერორისტული სახელმწიფოა და უნდა იყოს კანონიერად აღიარებული,"- წერს კულება.

ვინიცაში რუსეთის სარაკეტო თავდასხმას 20 ადამიანი, მათ შორის 3 ბავშვი ემსხვერპლა. 90-მა მოქალაქემ დახმარებისთვის სამედიცინო დაწესებულებებს მიმართა. მათგან 50 დაშავებულის მდგომარეობა მძიმეა.