ოდესაზე რუსეთის სარაკეტო იერიშს 17 ადამიანი ემსხვერპლა

უკრაინის საგანგებო სიტუაციების სახელმწიფო სამსახურის ინფორმაციით, ოდესაზე, რუსეთის სარაკეტო იერიშის შედეგად 17 ადამიანი დაიღუპა. რაკეტა ცხრასართულიან სახლს და დასასვენებელ ბაზას მოხვდა. დაშავდა კიდვე 30 ადამიანი. დაღუპულებს შორის ერთი ბავშვია.

საცხოვრებელ სახლზე მიტანილი იერიშს 14 ადამიანი ემსხვერპლა. დანგრეულია საცხოვრებელი კორპუსის ერთი სადარბაზო. ნანგრევებიდან შვიდი ადამიანი ამოიყვანეს, მათ შორის სამი ბავშვი.

სარაკეტო დარტყმის შედეგად ნაწილობრივ დაინგრა დასასავენებელი ბაზის სამი და ოთხსართულიანი შენობები, დაიღუპა სამი და დაშავდა ერთი ადამიანი.

სამაშველო სამუშაოები ამ დრომდე გრძელდება.

ოპერატიული სარდლობა „სამხრეთის“ ინფორმაციით, ოდესაზე იერიში რუსეთის სტარატეგიულმა ბომბდამშენებმა შავი ზღვის საჰაერო სივრციდან მიიტანეს.