უკრაინას შეუძლია ომის მოგება წლის ბოლომდე, - განაცხადა უკრაინის თავდაცვის სამინისტროს მთავარი სადაზვერვო სამმართველოს უფროსმა კირილო ბუდანოვმა ბრიტანულ ტელეარხ ITV-სთან ინტერვიუში.

"უკრაინა დაუბრუნდება თავის 1991 წლის საზღვრებს, არ იქნება სხვა სცენარი და ჩვენ არ განვიხილავთ სხვა სცენარებს. აგვისტოდან იქნება გარკვეული მოვლენები, რომლებიც მთელ მსოფლიოს დაანახებს, რომ გარდამტეხი მომენტი იწყება", - მან თქვა.

ბუდანოვი ხაზს უსვამს, რომ უკრაინა, აღმოსავლეთის მიმართულებით თანდათან უკანდახევის მიუხედავად, რომელსაც მან ტაქტიკური უწოდა, პროგრესს აღწევს სხვა რეგიონებში, კერძოდ, რუსეთის მიერ ოკუპირებულ ხერსონის რეგიონში.

მსგავსი განცხადებები ბუდანოვმა ადრეც გააკეთა. ჯერ კიდევ მარტში მან განაცხადა რომ უკრაინა "არ დათმობს ოკუპირებულ ტერიტორიებს". მაისში მან თქვა, რომ წლის ბოლომდე უკრაინა "მინიმუმ ყირიმის ტერიტორიაზე უნდა შევიდეს".

ამავდროულად, ის ხშირად ამბობს, რომ უკრაინას არ აქვს საკმარისი იარაღი უფრო გადამწყვეტი ნაბიჯების გადასადგმელად.