სევეროდონეცკის მესამედს უკრაინის შეიარაღებული ძალები აკონტროლებენ - ქალაქის ადმინისტრაცია

სევეროდონეცკის მესამედს უკრაინის შეიარაღებული ძალები აკონტროლებენ. ამის შესახებ სევეროდონეცკის სამხედრო-სამოქალაქო ადმინიტრაციის ხელმძღვანელმა ოლექსანდრ სტრიუკმა განაცხადა.

„დღეის მდგომარეობთ, მძიმე ბრძოლები მიმდინარეობს, უწყვეტ დაბომბვებთან ერთად. ქალაქის მესამედს უკრაინის შეიარაღებული ძალები აკონტროლებენ: გავლებულია თავდაცვის ხაზი და მიმდებარე საცხოვრებელ უბნებში მიმდინარეობს ბრძოლები. ტარდება ოპერაციები, არის {ოკუოანტების} უკუგდების მცდელობა“, - თქვა სტრიუკმა.

მან ასევე აღნიშნა, რომ ქალაქში წყალმომარაგება და ელქტროენერგია უკვე ორი თვეა შეწყვეტილია.

„დაზიანებული მაღალი ძაბვის ხაზები, ამასთან, ქვესადგურების 70 პროცენტი განადგურებულია დაბომბვების შედეგად. არიან დაჭრილები და დაღუპულები - რუსეთის მიერ წარმოებული საარტილერიო ცეცხლის შედეგად, იბომბება საცხოვრებელი უბნები. ქალაქის პერიმეტრზე ქუჩები მთლიანად დანგრეულია“, - განაცხადა სტრიუკმა.

გუშინ, ბრიტანეთის დაზვერვამ განაცხადა, რომ რუსეთი ისევ აკონტროლებს სევეროდონეცკის უმეტეს ნაწილს, მაგრამ მათ ვერ მიაღწიეს წარმატებას და ვერ ახერხებენ ჩრდილოეთიდან და სამხრეთიდან უფრო დიდი ტერიტორიის ალყაში მოქცევას.