ირლანდიის პარლამენტმა რუსეთის ქმედებები უკრაინელი ერის გენოციდად აღიარა

ირლანდიის პარლამენტის ზედა პალატამ მიიღო რეზოლუცია, რომლის თანახმად, რუსეთის ქმედებებს უკრაინაში გენოციდად აღიარებს. ამის შესახებ სენატის სპიკერი მარკ დეილი „ტვიტერზე“ წერს.

„უკრაინაში რუსეთის ფედერაციის უკანონო შეჭრა წარმოადგენს გენოციდის აქტს. ირლანდიის სენატმა მიიღო რეზოლუცია უკრაინაში რუსეთის გენოციდის შესახებ“, - წერს დეილი.

შეგახსენებთ, რუსეთის ქმედებები უკრაინელი ხალხის გენოციდად ასევე აღიარეს ლატვიის, ლიეტუვის, ესტონეთის, კანადისა და ჩეხეთის პარლამენტებმაც.

 ასევე რუსეთის ქმედებები გენოციდად აღიარა უკრაინის უმაღლესმა რადამ.