20-მა ქვეყანამ უკრაინისთვის სამხედრო დახმარების ახალი პაკეტი მოამზადა

20-მა ქვეყანამ უკრაინისთვის სამხედრო დახმარების ახალი პაკეტი გამოყო.  

 ამის შესახებ ბრიფინგზე აშშ-ის თავდაცვის მდივანმა ლოიდ ოსტინმა განაცხადა მეორე საკონტაქტო ჯგუფის შეხვედრის შემდეგ, რომელიც უკრაინის თავდაცვის თემას ეხებოდა. იუწყება უკრაინული მედია. შეხვედრა ონლაინ-კონფერენციის რეჟიმში გაიმართა.  ოსტინის თქმით, ქვეყნების ნაწილი უკრაინას ხომალდსაწინააღმდეგო რაკტებს, ტანკებს, ვერტმფრენებს, საარტილერიო სისტემებსა და სხვა შეიარაღებას გადასცემს. მისივე თქმით, სხვა ქვეყნებმა უკრაინას სამხედროების სწავლება და მათი სამხედრო სისტემების მოდერნიზაცია შესთავაზეს.

აშშ-ის შეიარაღებული ძალების შტაბების უფროსთა კომიტეტის თავმჯდომარე, გენერალმა მარკ მილიმ განაცხადა, რომ საკონტაქტო ჯგუფის მეორე შეხვედრაზე 47 ქვეყანა მონაწილეობდა.

ოსტინის თქმით, პირადად ჩაატარებს საკონტაქტო ჯგუფის მესამე შეხვედრას 15 ივნისს ბრიუსელში.

მანამდე ოსტინმა განაცადა, რომ დანია უკრაინას Harpoon-ის ტიპის ხომალდსაწინააღმეგო რაკეტებს და გამშვებ დანადგარებს გადასცემს. ასევე ჩეხეთი უკრაინას საბრძოლო ვერტმფრენებს, ტანკებსა და სარაკეტო სისტემებს, იტალია და საბერძნეთი კი საარტილერიო სისტემებს მიაწვდის.