რუსეთი ფინეთს გაზის მიწოდებას 21 მაისიდან შეუწყვეტს

ფინეთმა რუსული კომპანია “გაზპრომისგან“ მიიღო შეტყობინება, რომ რუბლებით საფასურის გადახდაზე უარის თქმის გამო, 21 მაისიდან გაზის მიწოდება შეუწყდება.

როგორც Reuters-ი იუწყება, ამის შესახებ ფინეთის სახელმწიფო კომპანია Gasum-მა განაცხადა. Gasum-ი რუსეთის მოთხოვნაზე რუსული გაზის საფასური რუბლებით გადაეხდა, უარი განაცხადა. ფინეთს გაზი 21 მაისის 7 საათიდან შეუწყდება.

Gasum გაზმომარაგებას გაზსადენ Baltic connector-ის მეშვეობით სხვა წყაროებიდან შეძლებს. აღნიშნული გაზსადენი ფინეთს ესტონეთთან აკავშირებს.

გაზსადენი გადის ესტონეთის საპორტო ქალაქ პალდისკიდან ინკოოს მუნიციპალიტეტისკენ ფინეთის სამხრეთ სანაპიროზე და ქვეყანას აკავშირებს ლატვიის ბუნბერივი გაზის საცავებთან.

17 მაისს Gasum-მა გადაწყვიტა რუსულ კომპანია „გაზპრომ ექსორტს“ სასამართლოში უჩივლოს გაზის საფასურის რუბლებით გადახდის მოთხოვნისთვის.

მანამდე „გაზპრომს“ გაზის საფასურის რუბლებით გადახდაზე უარი თქვეს პოლონეთმა და ბულგარეთმაც.