მზად არ ვართ, მშვიდობის სანაცვლოდ უკრაინის ტერიტორიის ნაწილი დავთმოთ - ზელენსკი

უკრაინის პრეზიდენტ ვოლოდიმირ ზელენსკის განცხადებით, უკრაინა არ არის მზად, მშვიდობის სანაცვლოდ ტერიტორიების ნაწილის დათმობაზე წავიდეს. ამის შესახებ ზელენსკიმ ტელეარხ CBS-ის ეთერში განაცხადა.

ზელენსკის თქმით, უკრაინა ტერიტორიების დასათმობად მზად რომ ყოფილიყო, მაშინ ომი არ იქნებოდა.

"ჩვენ არ ვართ მზად, დავთმოთ ჩვენი სახელმწიფო, ჩვენი ტერიტორიები. არ ვისურვებდი ისეთ სიტუაციაში აღმოჩენას, როცა მე მომიწევს ამაზე სერიოზულად დაფიქრება. ძალიან არ მინდა ეს. ვფიქრობ, ჩვენ უკვე გავიღეთ ბევრი სიცოცხლე, რადგან შეგვენარჩუნებინა სახელმწიფო და სწორედ ამიტომ, ჩვენ სულ მცირე მათ წინაშე ვიქნებით დამნაშავე. ამიტომ, უნდა ვიდგეთ იმდენ ხანს, რამდენსაც შევძლებთ, მაგრამ ეს ცხოვრებაა და ყველაფერი ხდება. ჩვენ ვიცით რუსული მხარე. გვესმის, რომ ეს ერთ-ერთი პუნქტია, ისინი მუდმივად ამბობენ: აღიარეთ ყირიმი რუსეთის ტერიტორიად. მე ზუსტად ვიცი, რომ ამას არ გავაკეთებ. მათ სურთ დონბასის საკითხის გადაჭრა, მადა ეზრდებათ, მათ მთელი დონბასი სურთ და ვიცი, რომ ილტვიან, ქვეყნის სამხრეთიც აიღონ", - განაცხადა ვოლოდიმირ ზელენსკიმ.