უკრაინას ევროკავშირში წევრობის განაცხადთან დაკავშირებული კითხვარი გადეცა

ევროკომისიის ხელმძღვანელმა ურსულა ფონ დერ ლაიენმა უკრაინის პრეზიდენტ ვოლოდიმირ ზელენსკის ოფიციალურად გადასვა კითხვარი, რომლის შევსებაც აუცილებელი ნაბიჯია უკრაინის ევროკავშირის კანდიდატის სტატუსის მოსაპოვებლად.

ცერემონია კიევში ზელენსკისთან შეხვედრის შემდეგ გაიმართა.

ურსულა ფონ დერ ლაიენმა განაცხადა, რომ იმდენად კარგად იცნობენ ერთმანეთს, რომ შევსებას არა წლები, არამედ კვირები დასჭირდება.

„ეს არის კითხვარი, რომელსაც გადმოგცემთ შესავსებად. ეს არის კითხვები, რომელთა საფუძველზე ჩამოყალიბდება ევროკავშირის შეფასება, როგორც რეკომენდაცია საბჭოსადმი. ჩვენ მზად ვართ, კვირაში შვიდი დღე, 24 საათის განმავლობაში დაგეხმაროთ ამ კითხვარის შევსებაში. ბევრი ვიცით ერთმანეთის შესახებ, რადგან ძალიან ინტენსიურად ვმუშაობდით ერთად ბოლო წლებში.

ასე რომ, ამ მოსაზრების ჩამოყალიბება, როგორც ჩვეულებრივ, არა წლების, არამედ, ვფიქრობ, კვირების საკითხი იქნება, თუ ჩვენ ვიმუშავებთ ერთად, მჭიდროდ“, – განაცხადა ურსულა ფონ დერ ლაიენმა.

ზელენსკიმ ფორ დერ ლაიენი დაარწმუნა, რომ უკრაინას პასუხები ერთ კვირაში მზად ექნება.

უკრაინამ ევროკავშირში გაწევრიანების შესახებ განაცხადი 28 თებერვალს, რუსეთის შეჭრიდან, ოთხი დღის შემდეგ შეიტანა