ჩადი უკრაინაში და თქვი რომ, დღეს იქ იგივე ხდება, რაც 2008-ში აქ მოხდა - ჯაფარიძე ღარიბაშვილს

"გირჩი - მეტი თავისუფლების" ლიდერი ზურაბ ჯაფარიძე პრემიერ ირაკლი ღარიბაშვილს  მოუწოდებს ჩავიდეს უკრაინაში, თქვას, რომ ის, რაც ახლა ოქ ხდება, საქართველოში იგივე 2008 წელს მოხდა და ამით უკრაინის მიმართ მხარდაჭერა გამოხატოს. ამის შესახებ ჯაფარიძე სოციალურ ქსელში წერს

"გერბზე რომ გვიწერია "ძალა ერთობაშია", ეგ მარტო ჯოკერში "პარა-პარაზე" ვრცელდება?
ჩადი უკრაინაში, მხარდაჭერა გამოუცხადე და თქვი რომ დღეს იქ იგივე ხდება რაც 2008-ში აქ მოხდა.
მიუხედავად ყველაფრისა, ისტორიული შანსი გაქვს გამოჩნდ,ე როგორც ღირსების და ღირებულებების მქონე ლიდერი და ამ ქვეყანასაც დაუბრუნო ღირსება და ადგილი პოლიტიკურ რუკაზე. მერე, როცა ჩახვალ ვაშინგტონში ან ბრიუსელში, ნახავ, როგორ ხვდებიან ღირსების მქონე ქვეყნის წარმომადგენელს.

განსხვავებას იგრძნობ დამოკიდებულებაში ან შენს შემდეგ ვინც იქნება, ის ნახავს. მთელი ცხოვრება პოლიტიკოსობაზე ვოცნებობდიო და ესაა პოლიტიკა. ჩირგვში გასუსული ჯდომა არაა პოლიტიკა და ჩვენთვის რომ საზიანოა ამის ახსნას არ დავიწყებ, აზრი არ აქვს," - წერს ჯაფარიძე.