უკრაინაში რუსეთის შეჭრა ანალოგიური იქნება იმის, რაც უკვე ვნახეთ ჩეჩნეთის ომში - ლიზ ტრასი

დიდი ბრიტანეთის საგარეო საქმეთა მინისტრი ლიზ ტრასი რუსეთს აფთხილებს, რომ უკრაინაში შეჭრის შემთხვევაში მოსკოვი აღმოჩნდება ავღანეთში საბჭოთა სამხედრო ოპერაციის ანალოგიურ კონფლიტქში. „კრემლმა ვერ ისწავლა ისტორიის გაკვეთილები. შეჭრა {უკრაინაში} მხოლოდ საშინელ ჭაობს და მსხვერპლს მოიტანს, რომელიც ანალოგიური იქნება იმის, რაც უკვე ვნახეთ ჩეჩნეთში და საბჭოთა კავშირსა და ავღანეთს შორის ომებში“, - განაცხადა ტრასიმ 21 იანვარს, ავსტრალიაში ვიზიტის დროს. 

ტრასიმ ვლადიმირ პუტინს მოუწოდა თავი შეიკავოს უკრაინაში შეჭრისგან და უკან დაიხიოს, ვიდრე სტრატეგიულ შეცდომას დაუშვებს. მან აღნიშნა, რომ დიდი ბრიტანეთი მოკავშირეებთან ერთად გააგრძლებს უკრაინის მხარდაჭერას და რუსეთს კიდევ ერთხელ მოუწოდებს დეესკალაციისა და სერიოზული დისკუსიებისკენ. „ის რაც ხდება აღმოსავლეთ ევროპაში, მთელი მსოფლიოსთვის მნიშვნელოვანია“, - ციტირებს მინისტრს გაზეთი The Guardian.

ბრიტანეთის საგარეო საქმეთა მინისტრმა აღნიშნა, რომ უკრაინის გარშემო არსებულ კრიზისი მსხვილი კონლიქტის ნაწილია ლიბერალურ დემოკრატიასა და ავტოკრატიას შორის, რომელსაც მან რუსეთი და ჩინეთი მიაკუთვნა. „ავტოკრატიები იმ დონემდე გათამამადნენ, რაც ცივი ომის შემდეგ არ გვინახავს. ისინი ცდილობენ მთელ მსოფლიოშო მოახდინონ დიქტატურის, როგორც მომსახურების  ექსპორტი. სწორედ ამიტომ ისეთი რეჟიმები, როგორებიცაა ბელარუსი, ჩრდილოეთ კორეა და მიანმარი პოულობენ თავიანთ უახლოეს მოკაშირეებს მოსკოვსა და პეკინში“, - განაცხადა ლიზ ტრასიმ.

ტრასიმ აღნიშნული განცხადებები ჟენევაში აშშ-ის სახელმწიფო მდივან ენტონი ბლონკენსა და რუსეთის საგარეო საქმეთა მინისტრ სერეგი ლავროვის შეხვედრამდე რამდენიმე საათთ ადრე გააკეთა. დასავლეთი რუსეთს უპრეცენდენტო სანქციებით ემუქრება უკრაიანში შეჭრის შემთხვევაში.

უკანასკნელი კვირის განმავლობაში უკრაინის საკითხზე რამდენიმე საერთაშორისო შეხვედრა გაიმართა, თუმცა ამ შეხევდრებმა ვითარების არსებითი გადატვირთვა ვერ მოიტანა. რუსეთს უკრაინის საზღვართან 100 ათასზე მეტი სამხედრო ჰყავს მობილიზებული ნატოს-სგან მოიხოვს ოფიციალურად უარი თქვას უკრაანის ალიანსში მიღებაზე. ნატო ამ მოთხოვნებს უსაფუძვლოს უწოდებს და აცხადებს, რომ ნატო-ს კარი ღიაა ახალი წევრების მისაღებად.