დიდმა ბრიტანეთმა რუსეთი ყველაზე მტრულ სახელმწიფოთა შორის დაასახელა

დიდი ბრიტანეთის უსაფრთხოების საკითხთა მინისტრის, დემიან ჰინდსის განცხადებით, სამი ყველაზე მტრულად განწყობილი სახელმწიფო, რომელიც გაერთიანებული სამეფოს უსაფრთხოებას საფრთხეს უქმნის, რუსეთი, ჩინეთი და ირანია. ამის შესახებ ბრიტანელმა მინისტრმა გამოცემა The Daily Telegraph-ს განუცხადა.

ჰინდსის განცხადებით, ამ სახელმწიფოებს აქვთ ძლიერი წარმომადგენლობა კიბერსივრცეში და ძალუძთ ფართომასშტაბიანი ძალების განლაგება.

გამოცემასთან საუბრისას, დემიენ ჰინდსმა ისაუბრა ბრიტანული კანონმდებლობის განახლების შესახებ, რომელიც უცხოეთის სადაზვერვო სამსახურების წინააღმდეგობას გულისხმობს. მინისტრის თქმით, კანონმდებლობაში ზოგიერთი დებულება თითქმის 100 წლისაა და ის მოძველდა.

უსაფრთხოების საკითხთა მინისტრის თქმით, კიდევ ერთი ქვეყანა, რომელშიც ლონდონი საფრთხეს ხედავს, ჩრდილოეთ კორეაა.

მანამდე, რუსეთი, ირანი და ჩინეთი ბრიტანეთისთვის საფრთხის შემცველ ქვეყნებად დაასახელა, საგარეო-პოლიტიკური დაზვერვის სამსახურის, MI6-ის ხელმძღვანელმა, რიჩარდ მურმა.