ეჭვი მაქვს, ტიკარაძეს არ აპატიეს, რომ სააკაშვილის კლინიკაში გადაყვანასთან დაკავშირებით კონსილიუმის რეკომენდაცია გაიზიარა - ბადრი ჯაფარიძე

ეჭვი მაქვს, ეკატერინე ტიკარაძეს ასევე არ აპატიეს ის, რომ მიხეილ სააკაშვილის მულტიფუნქციურ კლინიკაში გადაყვანასთან დაკავშირებით კონსილიუმის რეკომენდაცია გაიზიარა, - განაცხადა  „ლელოს“ ლიდერმა ბადრი ჯაფარიძემ.

მისი თქმით, ტიკარაძესთან ერთად მთლიანად მთავრობა უნდა გადადგეს.

„ეჭვი მაქვს, მას ასევე არ აპატიეს ის, რომ მიხეილ სააკაშვილის მულტიფუნქციურ კლინიკაში გადაყვანასთან დაკავშირებით კონსილიუმის რეკომენდაცია გაიზიარა. ვფიქრობ, ესეც იყო ერთ-ერთი მიზეზი, რის გამოც, ალბათ კრიტიკული დამოკიდებულება იყო. მთლიანობაში, მთავრობა, რომელიც ვერ უმკლავდება გამოწვევებს, უნდა გადადგეს და შექმნილ ვითარებაში ეს იქნება სწორი ნაბიჯი“, – განაცხადა ბადრი ჯაფარიძემ.

ეკატერინე ტიკარაძემ ჯანდაცვის მინისტრის თანამდებობა დატოვა. ტიკარაძის თქმით, საქმიანობას „ქართული ოცნების“ პოლიტსაბჭოში გააგრძელებს.