გვესმის მოწოდებები გადაიყვანეთ საავადმყოფოში, ის არის საავადმყოფოში - მამუკა მდინარაძე სააკაშვილზე

ისე ხმოვანდება ოპოზიციის Fake-მესიჯები, თითქოს ის არ არის საავადმყოფოში, ამ დროს ის საავადმყოფოშია, - განაცხადა "ქართული ოცნების" ერთ-ერთმა ლიდერმა მამუკა მდინარაძემ საქართელოს ექს-პრეზიდენტ მიხეილ სააკაშვილის სამოქალაქო კლინიკაში გადაყვანის მოთხოვნაზე.

დღეს გვესმოდა განცხადებები - "გადაიყვანეთ საავადმყოფოში". საავადმყოფოშია.

ანუ ჩვენ გვესმის მოწოდებები, რომ "გადაიყვანონ მულტიფუნქციურ კლინიკაში". ის არის მულტიფუნქციურ კლინიკაში, "გადაიყვანეთ საავადმყოფოში", ის არის საავადმყოფოში. ისე ხმოვანდება ოპოზიციის Fake-მესიჯები, თითქოს ის არ არის საავადმყოფოში, ამ დროს ის საავადმყოფოშია.

მაგრამ თუ იმ საავადმყოფოში არ არის რაღაც სამედიცინო სერვისის გაწევის საშუალება, რა სერვისია, შეგიძლიათ, მითხრათ? რა სამედიცინო სერვისის საჭიროებაა, რაც არ ეწევა დღეს პატიმარ სააკაშვილს? კატე სჭირდება? სჭირდება? ჯერ ერთი, არის, მულტიფუნქციური კლინიკაა. მეორე, "შესაძლოა, დასჭირდეს", თქვენ რასაც ბრძანებთ, შესაძლოა, ნებისმიერ ჩვენგანს რაღაც დასჭირდეს და ამაზე პასუხისმგებლობას ყოველთვის იღებს მკურნალი ექიმი ან ორგანო. დღეს რა სჭირდება?- განაცხადა მდინარაძემ.