ყაზახეთში, მაღაროში მეთანის აირის გაჟონვის შედეგად ექვსი ადამიანი დაიღუპა

ყაზახეთში, ყარაღანდის ოლქის ქალაქ აბაიში, მაღაროში მეთანის გაჟონვის შედეგად დაიღუპა 6 მაღაროელი, ხოლო 2 – დაშავდა.

ავარია მაღაროს სავინტილაციო სისტემაში 7 ნოემბრის დილით მოხდა. მაღაროში 64 მაღაროელი იმყოფებოდა. 56-მა ადამიანმა დამოუკიდებლად მოახერხა  ზედაპირზე ამოსვლა. დარჩენილი რვა მუშა კი მაღაროს იმ სივრცეში აღმოჩნდა, სადაც გაჟონვა და აფეთქება მოხდა.